1.5 | CLARITI အဆင့် များ

CLARITI ကို နည်းပညာကုမ္ပဏီများနှင့် ဆက်သွယ်ရေးကုမ္ပဏီများအတွက် လူထုဦးဆောင်သော လူ့အခွင့်အရေးအကျိုးသက်ရောက်မှုဆန်းစစ်ခြင်း (HRIA) ၏ ကျယ်ပြန့်ပြီး အဆင်ပြေသော တစ်ခုတည်းသော အဖြေတစ်ရပ်အဖြစ် ဒီဇိုင်းထုတ်ထားပါသည်။ CLARITI ၏ အစိတ်အပိုင်းတစ်ခုစီကို သင်ဖြတ်သန်းသွားသည်နှင့်အမျှ လူ့အခွင့်အရေးနှင့် စံပြစောင့်ရှောက်မှုလုပ်ငန်းစဉ်များကို နားလည်ရန် ကူညီပေးမည့် အသုံးပြုရလွယ်ကူသော လမ်းညွှန်ချက်များကို တွေ့ရှိရမည်ဖြစ်ပြီး ၎င်းတို့ကို အသုံးပြုရလွယ်ကူမှုနှင့် အသေးစိတ်အချက်အလက်များကို ဟန်ချက်ညီစေရန် ဒီဇိုင်းထုတ်ထားပါသည်။ ဤတွင် သင်အကဲဖြတ်မှုတစ်လျှောက် တွေ့ကြုံရမည့် CLARITI ခြမ်းစိတ်ဖြာမှုများ၏ အခြားသောအစိတ်အပိုင်းများကို အကျဉ်းချုပ်ဖော်ပြထားပါသည်။

CLARITI မှ အများဆုံးအကျိုးရရှိစေရန်အတွက် သင့်သုတေသနသည် ကျယ်ပြန့်ပြည့်စုံပြီး အဆင့်များအကြား အချက်အလက်များ ကိုက်ညီစေရန် အောက်ဖော်ပြပါအဆင့်များကို အစဉ်လိုက်လုပ်ဆောင်ရန် လိုအပ်ပါသည်။ နောက်ပိုင်းအဆင့်များ၏ ရလဒ်များသည် သင်ယခင်အဆင့်များတွင် ဖြေကြားခဲ့သော အဖြေများအပေါ် မူတည်နေပါသည်။ အမှန်မှာ၊ သင်နောက်ပိုင်းတွင် ကုမ္ပဏီများနှင့်ချိတ်ဆက်ဆောင်ရွက်ရန်အတွက် ထုတ်ပြန်မည့် အစီရင်ခံစာ (အဆင့် ၇) သည် သင်ယခင်အဆင့်များတွင် ဖြေကြားခဲ့သော အဖြေအားလုံးကို တိုက်ရိုက်ကိုးကားရန် ဒီဇိုင်းထုတ်ထားသောကြောင့်၊ ယခင်အဆင့်များကို အစဉ်လိုက်ပြီးမြောက်အောင်လုပ်ဆောင်ခြင်းဖြင့် အစီရင်ခံစာနမူနာပုံစံကို လျင်မြန်စွာနှင့် ပြည့်စုံစွာ ဖြည့်စွက်နိုင်မည်ဖြစ်ပါသည်။

အဆင့်များနှင့် လုပ်ဆောင်ချက်များ
အဆင့် ၁ မိတ်ဆက်
အဆင့် ၂ ပြင်ဆင်မှု
အဆင့် ၃ နယ်ပယ်သတ်မှတ်ခြင်း
အဆင့် ၄ ပတ်ဝန်းကျင် စိစစ်မှု
အဆင့် ၅ သက်ရောက်မှု အကဲဖြတ်ခြင်း
အဆင့် ၆ အကြံပြုချက်များ
အဆင့် ၇ အစီရင်ခံခြင်း
အဆင့် ၈ ပါဝင်ဆောင်ရွက်မှု
သင် CLARITI နှင့် ဘယ်လို ဆက်ဆံမည်နည်း
သင့်အနေဖြင့် ဤအပိုင်းသို့ ရောက်ရှိနေပါပြီ။ ဤနေရာတွင် CLARITI စိတ်ဖြာမှု၏ ဒီဇိုင်း၊ UNGPs (ကုလသမဂ္ဂလူ့အခွင့်အရေးစံနှုန်းများ) နှင့်၎င်း၏ ဆက်နွယ်မှုများနှင့် ကန့်သတ်ချက်များကို မိတ်ဆက်ပေးသွားမည်ဖြစ်ပါသည်။
CLARITI အတွက် အကဲဖြတ်အဖွဲ့ကို သတ်မှတ်ခြင်း၊ သက်ဆိုင်ရာ အကျိုးသက်ဆိုင်သူများနှင့် တွေ့ဆုံခြင်း၊ ရည်မှန်းချက်များ ချမှတ်ခြင်း၊ အလုပ်အစီအစဉ်နှင့် (လိုအပ်ပါက) ဘတ်ဂျက်ပြုစုခြင်းတို့ကို လမ်းညွှန်ချက်များဖြင့် ဆောင်ရွက်ရမည်။
သင့်အား နယ်ပယ်သတ်မှတ်မှုဆိုင်ရာ မေးခွန်းများကို ဖြေဆိုရန် လမ်းညွှန် ပေးသွားမည် ဖြစ်ပါသည်။ ထိုသို့ဖြေဆိုခြင်းဖြင့် အခွင့်အရေးပိုင်ရှင်များထံမှ သင့်ရရှိသော တုံ့ပြန်ချက်များ အပေါ် အခြေခံ၍ Guidance Template ၏ မည်သည့်အပိုင်းများကို ဖြည့်စွက်ရမည်ကို သိရှိနိုင်မည်ဖြစ်ပါသည်။ ထို့အပြင် သင်သည် အဆင့် ၂ တွင် ဖော်ပြထားသော ပြင်ဆင်မှုလုပ်ငန်းစဉ်များကို အောင်မြင်စွာ ဆောင်ရွက်ပြီးဖြစ်ကြောင်း အတည်ပြုရန် လိုအပ်ပါသည်။
သင့်အား နိုင်ငံ၊ စီးပွားရေးလုပ်ငန်းနှင့် ကုမ္ပဏီဆိုင်ရာ အခြေအနေများနှင့်သက်ဆိုင်သော မေးခွန်းများကို ဖြေဆိုရန် လမ်းညွှန်ပေးသွားမည်။ ဤဖြေဆိုမှုများသည် လူ့အခွင့်အရေးဆိုင်ရာ သက်ရောက်မှုများ ဖြစ်ပေါ်ရာတွင် ကုမ္ပဏီ၏ အတွင်းပိုင်းနှင့် ပြင်ပအခြေအနေများကို နားလည်ရန် အထောက်အကူပြုမည်။ ဤမေးခွန်းများအတွက် အဖြေအများစုကို ဤ Guidance Template တွင်ပင် ရှာဖွေတွေ့ရှိနိုင်မည်ဖြစ်သော်လည်း အပြင်ဘက်ရှိ အခြေခံ နှင့် အဆင့်ဆင့်ရ အချက်အလက်များကိုမူ ကိုးကားရန် လိုအပ်ပါသည်။ ထိုအချက်အလက်များကို ကိုးကားခြင်းဖြင့် သင့်အကဲဖြတ်မှု၏ ပြည့်စုံမှုကို မြှင့်တင်နိုင်မည်။
သင့်အား သင့်ရွေးချယ်ထားသော စီးပွားရေးလုပ်ငန်းနှင့် သက်ဆိုင်သည့် မေးခွန်းများကို ရွေးချယ်ရန် လမ်းညွှန်ပေးသွားမည်။ ထို့အပြင် ဤမေးခွန်းများကို ဖြေဆိုရာတွင် အသေးစိတ်လမ်းညွှန်ချက်များလည်း ပေးသွားမည်ဖြစ်ပါသည်။ ထို့နောက် ကုလသမဂ္ဂလူ့အခွင့်အရေးစံနှုန်းများ နှင့် BSR နည်းလမ်းများကို အခြေခံထားသော အချက် (၇) ချက်ဖြင့် အခွင့်အရေးဆိုင်ရာ သက်ရောက်မှုများကို အမှတ်ပေးရန် လမ်းညွှန်ပေးသွားမည်။ ဤအမှတ်ပေးစနစ်သည် သင့်အား အခွင့်အရေးဆိုင်ရာ သက်ရောက်မှုများကို ဦးစားပေးအဆင့်သတ်မှတ်ရာတွင် အထောက်အကူပြုမည်။
သင့်အား ကုမ္ပဏီအတွက် အကြံပြုချက်များ ရေးသားရန် လမ်းညွှန်ပေးသွားမည်။ ဤအကြံပြုချက်များသည် သင်စုစည်းထားသော အချက်အလက်များ (အခြေအနေဆိုင်ရာ အချက်များ၊ အခွင့်အရေးဆိုင်ရာ သက်ရောက်မှုများနှင့် ထိုသက်ရောက်မှုများ၏ ဦးစားပေးအဆင့်သတ်မှတ်ချက်များ) အပေါ် အခြေခံထားပြီး၊ ကုမ္ပဏီအနေဖြင့် ထိုသက်ရောက်မှုများကို လျှော့ချရန် နှင့် ပြုပြင်ရန်အတွက် ဖြစ်ပါသည်။
သင့်အား အစီရင်ခံစာ ရေးသားရန် လမ်းညွှန်ပေးသွားမည်ဖြစ်ပါသည် ဤအစီရင်ခံစာကို အစီရင်ခံစာ နမူနာပုံစံအသုံးပြု၍ ရေးသားရမည်ဖြစ်ပြီး၊ နောက်ဆုံးတွင် ကုမ္ပဏီနှင့် ဆွေးနွေးရာတွင် အသုံးပြုနိုင်ပါသည်။ ဤအစီရင်ခံစာတွင် အခြေအနေဆိုင်ရာ အချက်အလက်များ (သုတေသနမှတွေ့ရှိချက်များ) အခွင့်အရေးဆိုင်ရာ သက်ရောက်မှုများ (အကဲဖြတ်ချက်နှင့် ဦးစားပေးအဆင့်သတ်မှတ်ချက်များ) သင့်မှ ရေးသားထားသော အကြံပြုချက်များ (လျှော့ချရေးနှင့် ပြုပြင်ရေးနည်းလမ်းများ) အချက်များ ပါဝင်မည်ဖြစ်ပါသည်
ဤအစီရင်ခံစာမှ အပြုသဘောဆောင်သော လက်တွေ့အကျိုးပြုပြောင်းလဲမှုများ ဖြစ်ပေါ်စေရန် လမ်းညွှန်ချက်များ ပေးသွားမည်။ ကုမ္ပဏီနှင့် အများဆုံးပူးပေါင်းဆောင်ရွက်နိုင်ရန် နည်းလမ်းများကို ဖော်ပြပေးသွားမည်ဖြစ်ပြီး၊ ကုမ္ပဏီက လူမှုအသိုင်းအဝိုင်းနှင့် ပူးပေါင်းဆောင်ရွက်ရန် ငြင်းဆိုပါက အခြားရွေးချယ်စရာများနှင့် အကြံပြုချက်များကိုလည်း ထည့်သွင်းဖော်ပြပေးသွားမည်ဖြစ်ပါသည်။
BSR: လူ့အခွင့်အရေးဆန်းစစ်ခြင်းများ – အန္တရာယ်များကိုဖော်ထုတ်ခြင်း၊ နည်းဗျူဟာများအတွက် အချက်အလက်ပေးခြင်း
ဝေါဟာရ
BSR နည်းစနစ်

BSR နည်းစနစ်သည် Business for Social Responsibility (BSR) မှ တီထွင်ဖန်တီးသော လူ့အခွင့်အရေးသက်ရောက်မှု အကဲဖြတ်နည်းဗျူဟာတစ်ခုဖြစ်ပါသည်။ BSR သည် UNGP စံနူန်းများအရ လူ့အခွင့်အရေးသက်ရောက်မှု၏ လေးနက်မှုကို တိုင်းတာခြင်းဖြင့် ကုမ္ပဏီ၏ ထိပ်တန်း လူ့အခွင့်အရေးပြဿနာများကို ဖော်ထုတ်နိုင်ပါသည်။ BSR နည်းဗျူဟာသည် အဓိကအားဖြင့် ကုမ္ပဏီက ဦးဆောင်သော HRIA အတွက် အသုံးပြုပါသည်။ “လူ့အခွင့်အရေးသက်ရောက်မှု အကဲဖြတ်ခြင်း (HRIA)” ကိုဤအပိုင်းတွင် ကြည့်ပါ။