2.2 | တုံ့ပြန်မှုအဖွဲ့ဝင်များအား သတ်မှတ်ခြင်း
တုံ့ပြန်မှုအဖွဲ့သည် နောက်လများအတွင်း လုပ်ဆောင်မည့် တုံ့ပြန်မှုလုပ်ငန်းအား အပြည့်အဝ တာဝန်ယူဆောင်ရွက်သွားမည်ဖြစ်သည်။ အဖွဲ့ကို မည်သို့ဖွဲ့စည်းရမည်ကို သင်ဆုံးဖြတ်နိုင်သည်။ သို့သော် အနည်းဆုံးအဖွဲ့ဝင် ၃ ယောက်ပါဝင်သင့်သည်ဟု အကြံပြုထားသည်။ တစ်ဦးမှာ အဖွဲ့ဦးဆောင်ရမည်ဖြစ်ပြီး၊ ကျန်သူနှစ်ဦးမှာ သုတေသနလုပ်ငန်းအတွက်တာဝန်ရှိသောသူများဖြစ်သည်။ အဖွဲ့ဝင်အရေအတွက်သည် ဘတ်ဂျက်နှင့်
လုပ်ငန်း၏အသေးစိတ်အတိုင်းအတာပေါ်မူတည်၍ ပြောင်းလဲနိုင်သည်။ တုံ့ပြန်မှုအဖွဲ့ဦးဆောင်သူ၏တာဝန်မှာ
-
- စီမံကိန်းအတွက် လမ်းညွှန်မှု၊ အစီအစဉ်ရေးဆွဲခြင်း၊ အဆင့်ဆင့်အောင်မြင်ရေးအချိန်ဇယား၊ ဘတ်ဂျက်နှင့် လူ့စွမ်းအားအရင်းအမြစ်များစီမံခြင်း
- အသင်းဝင်အသစ်များအား CLARITI လုပ်ငန်းစဉ်အကြောင်း၊ လမ်းညွှန်စာတမ်းများ၊ ဒစ်ဂျစ်တယ်အခွင့်အရေးများ၊ UNGP အသိပညာနှင့် သက်ဆိုင်ရာဥပဒေများအကြောင်း သင်တန်းပေးခြင်း။
- သုတေသနအဖွဲ့ဝင်များကို စည်းကမ်းရှိသော သုတေသနလုပ်ငန်းများလုပ်ဆောင်နိုင်ရေး လမ်းညွှန်ခြင်း။
- ရည်မှန်းချက်နှင့် အချိန်ဇယား သတ်မှတ်ခြင်း၊ တာဝန်များခွဲဝေပေးခြင်းနှင့် အဖွဲ့ဝင်များ၏ လုပ်ဆောင်မှုအား ထိန်းချုပ်ကြည့်ရှုခြင်း။
- အကျိုးဆောင်များနှင့် ဆွေးနွေးပွဲများကို ဦးဆောင်ခြင်း။
- စီမံကိန်း၏တိုးတက်မှုနှင့် အဖွဲ့ဝင်များ၏ စွမ်းဆောင်ရည် တိုင်းတာခြင်း။
- သုတေသနအဖွဲ့ဝင်များ၏ အလုပ်မြန်နှုန်းကို ပြန်လည်သုံးသပ်ခြင်း။
တုံ့ပြန်မှုအဖွဲ့၏ လုံခြုံရေးကို သေချာစေခြင်း။ သုတေသနအဖွဲ့ဝင်များ၏တာဝန်မှာ
-
- ဤလမ်းညွှန်ပုံစံအရ အကြံပြုထားသော အချက်အလက်များကို သုတေသနလုပ်ခြင်းနှင့် ပြန်လည်သုံးသပ်ခြင်း။
- အစီရင်ခံစာရေးခြင်းကို Reporting Template အတိုင်း ဆောင်ရွက်ခြင်း။
- လမ်းညွှန်စာတမ်းမှ လုံခြုံရေးအကြံဉာဏ်များကိုလိုက်နာခြင်း။
- အခွင့်အရေးရှိသူများနှင့် အကျိုးဆောင်များနှင့် မိတ်ဆက်ညီလာခံများစီစဉ်ခြင်း။
- အင်တာဗျူးများကို မှတ်တမ်းတင်ခြင်း (အခွင့်အရေးရှိသူ၏ သဘောတူညီမှုအပါအဝင်)။
- ပေးအပ်ထားသောလုပ်ငန်းတာဝန်များ၏တိုးတက်မှုအခြေအနေကို ဦးဆောင်သူသို့ အသိပေးခြင်း။
- လိုအပ်သော အုပ်ချုပ်ရေးလုပ်ငန်းများကို ဆောင်ရွက်ခြင်း။
တုံ့ပြန်မှုအဖွဲ့အတွက် ရွေးချယ်သင့်သည့်ပုဂ္ဂိုလ်များတွင် မိမိတို့အတွက်အရေးကြီးသော အရည်အချင်းများမှာ
-
- လူ့အခွင့်အရေးနှင့် နိုင်ငံတကာ လူ့အခွင့်အရေးစံနှုန်းများ၊ ဥပဒေရေးရာအခြေခံများအပေါ် အသိပညာရှိခြင်း။ (ဥပမာ – International Bill of Human Rights, UNGPs စသည်)။
- ဒစ်ဂျစ်တယ်ပတ်ဝန်းကျင်နှင့် ပတ်သက်သော နည်းပညာဆိုင်ရာအတွေ့အကြုံ (ဥပမာ – ဒစ်ဂျစ်တယ်ပလက်ဖောင်းများနှင့် ဆက်သွယ်ရေးကုမ္ပဏီများ၏ ၀န်ဆောင်မှုလုပ်ဆောင်ပုံ)။
- အယ်လဂိုရီသမ်အထူးကျွမ်းကျင်သူများနှင့်
- ဒေတာကိုယ်ရေးအချက်အလက်ကာကွယ်ရေးအထူးကျွမ်းကျင်သူများ။
- အကျိုးဆောင်များနှင့် ဆက်ဆံရေးတည်ဆောက်ခြင်း၊
- ယုံကြည်မှုဖန်တီးခြင်း (အထူးသဖြင့် အခွင့်အရေးရှိသူများနှင့် ကုမ္ပဏီ)။
- ဥပဒေဆိုင်ရာအချက်အလက်များကိုဆွေးနွေးရာတွင်
အကူအညီပေးနိုင်သော ဥပဒေပညာရှင်။
စီမံခန့်ခွဲမှု၊ ဘတ်ဂျက်စီမံခန့်ခွဲမှုနှင့် အဖွဲ့အစည်းစီမံမှုစွမ်းရည်။
-
- ဒေသခံလူမှုအသိုင်းအဝိုင်းများနှင့် ဆက်ဆံမှုအတွေ့အကြုံနှင့် အသိပညာ။
- သက်ဆိုင်သူများ (အထူးသဖြင့် ကုမ္ပဏီ) နှင့် ဆက်ဆံရာတွင် အကျိုးသက်ရောက်မှုများကို အကဲဖြတ်ရာတွင် လုံလောက်သော ကြားနေရေးရှိသော အဖွဲ့၀င်များ။
- အကောင်းဆုံးကတော့ ကုမ္ပဏီ၏ ထုတ်ကုန်များနှင့် ဝန်ဆောင်မှုများကို နောက်ဆုံးအသုံးပြုသူများလည်းဖြစ်သည်။
ကျေးဇူးပြုပြီး သင်၏ သုံးသပ်ရေးအဖွဲ့ဝင်များကို အောက်ဖော်ပြပါပုံစံတွင် မှတ်သားဖော်ပြပါ။
သတိပြုရန်:
ဤ CLARITI ပလက်ဖောင်းတွင် ဖောင်တစ်ခုကို ဖြည့်သွင်းသည့်အခါတိုင်း၊ သင်၏ဖြည့်သွင်းမှုကို သိမ်းဆည်းထားမည်ဖြစ်ပြီး တင်သွင်းခဲ့သည့် ဘာသာစကားဖြင့်သာ သင့်အနေဖြင့် ပြန်လည်ကြည့်ရှုနိုင်မည်ဖြစ်သည်။ မမျှော်လင့်ထားသော ပြသမှုပြဿနာများ မပေါ်ပေါက်စေရန် CLARITI အားလုံးကို ဖြည့်သွင်းရာတွင် ဘာသာစကားတစ်ခုတည်းကိုသာ အသုံးပြုရန် အကြံပြုအပ်ပါသည်။
အကယ်၍ သင်သည် ဘာသာစကားတစ်ခုဖြင့် ဖြည့်သွင်းမှုတစ်ခုကို တင်သွင်းပြီးနောက် အခြားဘာသာစကားတစ်ခုသို့ ပြောင်းလဲရန် ဆုံးဖြတ်ပါက၊ သင်သည် သင်၏ဖြည့်သွင်းမှုကို CSV ဖိုင်သို့ ဦးစွာ ထုတ်ယူပြီးနောက် CLARITI မှ ဖျက်ကာ အချက်အလက်များကို ဘာသာစကားအသစ်ဖြင့် ပြန်လည်ဖြည့်သွင်းနိုင်သည်။ ယခင် ဘာသာစကားဖြင့် တင်သွင်းထားသော ဖြည့်သွင်းမှုများကို ဦးစွာ ဖျက်ပစ်ခြင်းမရှိပါက ဘာသာစကားအသစ်ဖြင့် တင်သွင်းထားသော ဖြည့်သွင်းမှုများကို မှန်ကန်စွာ ပြသနိုင်မည်မဟုတ်ပါ။
အကယ်၍ အကူအညီလိုအပ်ပါက ကျွန်ုပ်တို့ထံ ဆက်သွယ်နိုင်သော်လည်း၊ မည်သည့်ဖြည့်သွင်းမှု၏ ဘာသာစကားကိုမျှ ကျွန်ုပ်တို့အနေဖြင့် လူကိုယ်တိုင် ပြောင်းလဲ၍မရနိုင်ကြောင်း သတိပြုပေးပါ။
ဒစ်ဂျစ်တယ် နည်းပညာတွင်၊ အယ်လ္ဂိုရစ်သမ်များဆိုသည်မှာ ကွန်ပျူတာစနစ်တစ်ခုက ပြဿနာတစ်ခုကို ဖြေရှင်းရန် သို့မဟုတ် ဒစ်ဂျစ်တယ် ဝန်ဆောင်မှုတခုကို ပေးရန် အသုံးပြုသော ဒစ်ဂျစ်တယ် ညွှန်ကြားချက်များ၏ အစီအစဉ်တစ်ခုဖြစ်ပါသည်။ အွန်လိုင်းကို မိသားစုများအတွက် ပိုမိုလုံခြုံရန်ပြုလုပ်ပေးနေသော အဖွဲ့အစည်းတစ်ခုဖြစ်သည့် ပဲရန့်ဇုန်အရ အသုံးပြုသူများက ပလက်ဖောင်းများနှင့် ဝဘ်ဆိုက်များကို အသုံးပြုရာတွင် ပေးမိသောအချက်အလက် သို့မဟုတ် အွန်လိုင်းအသုံးပြုနေစဥ် ဒေါင်းလုဒ်ခြင်းခံရသော ကွက်ကီးများသည် အယ်လ္ဂိုရစ်သမ်အား သတင်းအချက်အလက်များပေးအပ်သည်။ ပေးပို့သောသတင်းအချက်အလက်များတွင် ဥပမာများအနေဖြင့် အသုံးပြုသူများ၏ တည်နေရာ၊ အနုပညာရှင်များ၊ ဝါသနာများ နှင့် စိတ်ဝင်စားသောအကြောင်းအရာများ ပါဝင်ပါသည်။ အယ်လ္ဂိုရစ်သမ်များသည် အသုံးပြုသူများ ဖတ်ရှုမှု၊ကြည့်ရှုမှု၊ ဝယ်ယူမှု၊ မျှဝေမှု များသောအကြောင်းအရာများ၊ ကြော်ငြာများ နှင့် ဝန်ဆောင်မှုအကြံပြုချက်များ ကို အသုံးပြုသူ၏အချက်အလက်များကိုစုဆောင်းခြင်းဖြင့် ခန့်မှန်းနိုင်ပါသည်။
အယ်လ္ဂိုရစ်သမ်များကို အချက်အလက်နှင့်အခြားအကြောင်းအရာများကိုအခြေခံပြီး ဆုံးဖြတ်ချက်များချရန်အသုံးပြုနိုင်ပါသည်။ ဥပမာအားဖြင့်၊ ဆုံးဖြတ်ချက်ချနိုင်သောအယ်လ္ဂိုရစ်သမ်များကို ဘဏ္ဍာရေးတွင် စျေးကွက်တိုးတက်မှုများကို စိစစ်ရန်နှင့် ရင်းနှီးမြှုပ်နှံမှုဆိုင်ရာ ဆုံးဖြတ်ချက်များချရန် အသုံးပြုနိုင်ပါသည်။ ကျန်းမာရေးဌာနတွင် ဆုံးဖြတ်ချက်ချနိုင်သော အယ်လ္ဂိုရစ်သမ်များကို လူနာအချက်အလက်များကို စိစစ်ရန်နှင့် ကုထုံးအကြံပြုချက်များ ရေးဆွဲရန် အသုံးပြုနိုင်ပါသည်။ သယ်ယူပို့ဆောင်ရေးတွင် ဆုံးဖြတ်ချက်ချနိုင်သောအယ်လ္ဂိုရစ်သမ်များသည် ယာဥ်ကြောပိတ်စို့မှုကိုလျော့ချရန်နှင့် ယာဥ်လမ်းကြောင်းများကို ချောမွေ့စေရန်အသုံးပြုနိုင်ပါသည်။
